untitled-2

Fæst hjá

korm
brew
kjot
frulaug
melabud
chido
untitled-1

VEGAN – GLÚTENLAUS – SYKURLAUS

Tilvalin í súpur, á pizzu, kjúkling, hamborgara, fisk, steikina og eggin á morgnana.

Bera er fyrsta íslenska „hot sauce” sósan. Nefnd eftir austfirskri skessu og framleidd í samnefndum firði. Hún er sterk, stór og ber að nálgast af varfærni. En ef rétt er að farið opnast gáttirnar fyrir sætu og seiðandi suðrænu bragði sem sleppir seint taki.

Innihald: Habaneropipar, bananar, mangó, edik, eplaedik, laukur, hvítlaukur, sjávarsalt, fennilduft.

Lefever Sauce Co

Á Íslandi er chili-uppsveifla. Það er ekki langt síðan að smekkur landsmanna fyrir þessu hnossgæti var takmarkaður svo vægt sé til orða tekið. Inn á milli hefur þó sennilega ávallt leynst fólk sem nýtur brunans. Ef til vill hélt það að það væri eitt í heiminum. Í dag eru breyttir tímar. Áhugi landsmanna fyrir því sterka er að springa út og við fáum hreinlega ekki nóg!

Fólk er að rækta þetta heima hjá sér og deila með sér. Fólk er að malla allskyns gotterí í elshúsinu og gefa með sér. Fólk er að finna hvort annað á internetinu og deila upskriftum og ráðleggingum. Allt þetta fyrir ástina á chili.

Þetta verkefni er óður til þess. Ég er einn af þessum hópi. Ég hef fiktað við þetta í eldhúsinu heima síðan árið 2012 þegar ég flutti heim frá Boston. Þar kynntist ég hot sauce sósum. Ég féll kylliflatur fyrir þessu og hugsaði með mér að fyrst ég gæti sennilega ekki keypt þetta heima þá yrði ég að kunna að búa þetta til.

Sex árum og ótal tilraunauppskriftum síðar verður Bera til. Með styrk frá Uppbyggingarsjóði Austurlands og vonandi ykkur í gegnum Karolinafund mun bætast við hot sauce flóru landsmanna. Í þetta skiptið verður viðbótin íslensk framleiðsla!

Ef þið fílið chili þá er þetta verkefni sem þið viljið taka þátt í. Ef þið elskið brunan þá vitið hvað þið þurfið að gera. Ef þið borðið bara gott þá þurfið þið ekki að leita lengur. Bera er lausnin!

Hafa samband

Sendu okkur línu á sosa@lefever.is
og við svörum þér við fyrsta tækifæri.